الشروط والخصوصية

الشروط والأحكام

1. تشجيعة بتقدّم أدوات لصناع المحتوى: أليرتات بتظهر على اللايف، وصفحات لـ OBS، وربط بهدايا تيك توك.
2. لازم بياناتك في الحساب تبقى صحيحة. حساب الستريمر بيتفعّل بعد مراجعة الإدارة.
3. انت مسؤول عن حسابك وكلمة السر بتاعتك وروابط OBS. متبعتهمش لحد.
4. ممنوع تستخدم الأليرتات أو الرسايل في أي محتوى مسيء أو مخالف للقانون. الإدارة من حقها توقف أي حساب بيخالف ده.
5. الدعم والدفع بيتم عن طريق كاشير. تشجيعة مش بتشوف ولا بتخزن بيانات الكروت.
6. ربط تيك توك بيعتمد على خدمة مش رسمية من تيك توك، وممكن يقف لو تيك توك غيّر حاجة عنده.
7. ممكن نعدّل الشروط دي، وهنكتب تاريخ آخر تحديث فوق.

سياسة الخصوصية

• بنجمع: اسمك، واسم المستخدم، والإيميل، ورقم الموبايل ويوزر تيك توك للستريمرز، وصورة الهوية لمراجعة حساب الستريمر.
• صور الهوية بتتحفظ في مكان خاص على السيرفر، ومش بتتعرض لأي حد غير الإدارة وقت المراجعة.
• كلمة السر بتتحفظ مشفّرة، ومحدش يقدر يشوفها، ولا حتى الإدارة.
• الدعم: بنحفظ اسم الداعم والمبلغ والرسالة عشان تظهر على اللايف وفي لوحة الستريمر.
• مش بنبيع بياناتك لأي حد.
• لو عايز تمسح حسابك أو تعرف بياناتك المحفوظة، كلّم الإدارة.

شروط برامج تشجيعة

• الأليرتات اللي في المكتبة للاستخدام على لايفاتك بس، ومينفعش تعيد بيعها أو توزّعها.
• روابط OBS شغالة طول ما حسابك شغال. لو حد شاف الروابط، غيّرها من صفحة الأليرتات.
• الإدارة ممكن تضيف أو تشيل أليرتات من المكتبة في أي وقت.